كووووووووووووم كبير

عارف لما كل يوم حد ييجى ويرمى قدامك كيس مليان فضلات
وانت تسكتله
يقوم تانى يوم ييجى ويرمى كيس تانى
وانت عشان طيب برضه تسكتله
فيفتكرك عبيط ويستمر .....
ويعدى يوم ورا يوم ورا يوم
وبرضه انت ساكتله
هتيجى بعد سنة هتلاقى كووووووووووووم كبير اوى صعب عليك
انك تتخلص منه
طب تخيل بقى لو انت فى الوضع ده لاكتر من 30 سنة
طب تخيل ان الوضع ده مش 30 سنة بس نرجع الفيلم ورا شوية ونرجع نشوف تانى
ها ......... لقيت ايه ؟!!
ياترى شفت الوضع ولا لسه
طب نرجع كمان شوية صغيريين كدا للفترة اللى احتلت فيها فلسطين
ها وضحت ولا لسه ؟ !!!!!!
.......
عارفين بقى
هى دى مشكلتنا
اننا بنتعامل مع الموقف الحالى وبس مش بنتعامل معاه على انه حاجة متخطط لها من زمان اوى
حاجة اى حد عاقل هيشوفها واضحة وضوح الشمس
فاكريين اننا ناصحين  واحنا للاسف ماشين على الخطة المرسومة لينا
وبننفذها صح
هنفضل لامتى كدا !!!!!
هنرجع امتى !!!!!!
ده  يعلمه الله وحده بس اتمنى ما نطولش
لاننا للاسف عارفين طريقنا االى المفروض نمشى فيه بس بنكابر

مظلمتى

مظلمتى !!

مش هرفعها لزيك ظالم 

ولا هاخد قوانينكو اساس 

ولاهستنى تحن على 

وتخلى من خدى مداس

فاكر ان صوتك العالى 

هيخلينى فى يوم اتساس

ولا فاكرنى هستنى حنية 

لما اطاطى وايديك تتباس

انت ماتعرفش يعنى ايه حرية 

ولا تعرف قيمة رفع الراس

اه صحيح مانت نسيتها زمان

ودلوقتى ماشى بالحراس

مش هبعت اخد حقى بورقة 

ومش هنسى حقى اللى اتداس 

انت ناسى انك عبده !! 

والله ربى وكيل الناس

ايمان الغريب